Refuxio de Animais de Mougá

Se se extraviou
o teu compañeiro
contactar!

E se ves un animal deambulando sen a presenza dos seus titores, por favor, chama ao 112 ou á policía local para que desde o refuxio poidamos proceder á súa recollida

O Refuxio de animais de Mougá é un centro dedicado a acoller animais domésticos que precisan unha nova familia, un novo fogar.

Damos servizo as 24 horas do día durante todo o ano para atender e recoller animais domésticos que están perdidos ou abandonados.

O refuxio está legalmente autorizado para a tramitación de adopcións.

O noso equipo ten experiencia na xestión responsable de adopcións e facemos todo o posible para axudar os cans e gatos que chegan ao refuxio para que atopen a súa nova familia ideal canto antes.

Un exemplo dos máis de 200 cans e gatos que anualmente atopan un novo fogar é Duna, agora Hope, que vive feliz coa súa nova familia que non dubidou en adoptala a pesar de precisar unha cadeira para desprazarse como consecuencia dos malos tratos sufridos.

Os municipios integrantes da Mancomunidade de Concellos da Comarca de Ferrol (Ares, Cabanas, Cedeira, Fene, Ferrol, Mugardos, Narón, Neda e Valdoviño) son plenamente conscientes da importancia da protección dos dereitos e o benestar dos animais, así como do papel fundamental das persoas na tenza responsable e na condena e persecución dos malos tratos e abandono.